Xırdalan şəhərində çoxmərtəbəli binanın zirzəmisində transformator yanıb.
Hadisə Heydər Əliyev prospektindəki yeni tikilidə baş verib.
Yaşayış kompleksini elektrik enerjisi ilə təmin edən transformartor əvvəlcə tüstüləyib.
Daha sonra cərayan mənbəyi alovlanmağa başlayıb.
Alovun ətrafa keçməsinin qarşısını alınmaq üçün dərhal əraziyə FHN-in Dövlət Yanğından Mühafizə Xidmətinin əməkdaşları cəlb edilib.
Binaya elektrik enerjisinin verilişi dayandırılıb.
Təhlükəsizlik məqsədilə sakinlər təxliyə ediliblər.
Hazırda elektrik enerjisinin verilişinin bərpa edilməsi istiqamətində işlər aparılır.
