Fələstin dövləti media ofisi beynəlxalq ictimaiyyət və vasitəçilərdən Qəzzədə soyqırımının dayandırılması üçün ciddi və dərhal tədbirlərin görülməsini istəyib.
Qafqaztimesin xarici medialara istinadən verdiyi məlumata əsasən, Fələstin dövləti media ofisi bu gün (17 mart) elan edib: İşğalçılar Qəzzə zolağına gedən 10 mindən çox humanitar yük maşınının ehtiyaclılara çatdırılmasına mane olub ki, onlardan 850-si maye qaz və digər yanacaq növüdür. Qəzzəyə yanacağın çatmaması isə bütün çörək zaodları, nəqliyyat və digər xidmət sahələrinin iflic olması deməkdir.
Məlumatda həmçinin deyilir: Hal-hazırda Qəzzədə işğalçıların soyqırım siyasəti bütün sahələrdə davam edir və beynəlxalq ictimaiyyətin bu məsələ barədə ciddi tədbirlər görməsi zəruridir.
Qeyd edək ki, Həmas sözçüsü Əbdül Lətif əl-Qanu da mətbuat konfransında bildirib ki, Qəzza keçidlərinin bağlanması və humanitar yardımların ölkəyə girişinin qarşısının alınması Fələstin xalqına qarşı soyqırım müharibəsinin bir formasıdır və hələ də davam edir.
Atəşkəs və məhbus mübadiləsinin birinci mərhələsi başa çatdıqdan sonra İsrailin baş naziri Benyamin Netanyahu bu səhərdən etibarən Qəzza zolağına bütün humanitar yardımların dayandırıldığından xəbər verib.