Livanın keçmiş deputatı Seyid Həsən Nəsrullah və Seyid Haşim Səfiyəddinin dəfn mərasiminin Hizbullah üçün yeni bir qələbə olduğunu bildirib.
Qafqaztimesin xarici medialara istinadən verdiyi məlumata əsasən, Livanda şəhid Nəsrullah və Səfiyəddinin dəfn mərasimində çıxış edən Nasir Qəndil müsahibəsində deyib: Bu dəfn mərasiminin ən mühüm mesajı sionist televiziya kanalı 12-nin açıqladığı mesajdır: Bizi dəfn mərasimi deyil, müharibənin səhifəsini çevirən və yenidən hakimiyyətə gələn Hizbullahın gücünün dirçəldilməsinin elanı gözləyir.
Qəndil əlavə edib: Sionist rejim şəhid Nəsrullah və Səfiyəddini öldürməklə müqavimətin bitdiyini demək istəyirdi. Amma müqavimətdən dörd cavab aldı: İlk cavab bu iki liderin şəhadətindən sonra 60 gün davam edən toqquşmalarla gəldi və müqavimət sionist düşmənin Cənubi Livanın bölgələrində hökmranlıq etməsinə imkan vermədi.
İkinci cavab dekabrın 27-də, xalqın düşmənə yürüşlə meydan oxuduğu Sülh Günündə oldu.
Üçüncü cavab yanvarın 26-da, 60 günlük atəşkəs müddətinin sonunda oldu.
Dördüncü cavab isə düşməni təəccübləndirən milyonlarla insanın iştirak etdiyi dəfn mərasimidir.