“Apple” əməkdaşı Nayla Bunu “TikTok” videosu yayıldıqdan sonra işdən çıxarıb. O, bu videonu İT korporasiyasındakı ilk iş günündə çəkib.
Bunun videosu motivasiya xarakteri daşıyıb. Qadın digər afroamerikalı qadınlara onların da İT sahəsində karyera qura biləcəklərini göstərmək istədiyini söyləyib. Bir neçə gün ərzində klip 400 mindən çox baxış və yüzlərlə şərh toplayıb.
“Apple”dan bildirilib ki, Bunun işdən uzaqlaşdırılmasına videonun şirkətin ofisinin divarları arasında çəkilməsi səbəb olub. Belə ki, İT nəhəngi əmək müqaviləsi şərtlərində bunu qəti şəkildə qadağan edir.
