QafqazTimes xəbər verir ki, Yair Lapid Türkiyənin xarici işlər naziri ilə danışıqlar aparmaq üçün cümə axşamı Ankaraya səfər edib.
Çavuşoğlu Lapidlə birgə keçirdiyi mətbuat konfransında deyib: “Türkiyə ilə İsrail arasında səfirliklərin yenidən fəaliyyətinə qədər diplomatik əlaqələrin səviyyəsinin artırılması üçün səylər göstərilib.”
O, əlavə edib: “Biz təhlükəsizlik sahəsində İsraillə sıx əməkdaşlıq edirik və ölkəmizdə terror aktlarının baş verməsinə imkan verməyəcəyik.”
Çavuşoğlu: “Biz imkan verməyəcəyik ki, başqa ölkələr bizim ölkəmizi hesablaşma səhnəsinə çevirsinlər.”
İsrailin xarici işlər naziri əvvəlki yalan iddialarını təkrarlayaraq deyib: “İstanbulda qarşısı alınan terror cəhdlərinin arxasında İran dayanır.”
Lapid əlavə edib: “Türkiyə İranın bu ölkədə israillilərə qarşı törətdiyi terror aktlarına cavab vermək qabiliyyətinə malikdir.”
O, həmçinin deyib: “Biz bütün dünyada vətəndaşlarımıza zərər vurmaq cəhdləri qarşısında səssiz qalmayacağıq.”
Qeyd edək ki, bu, İsrail xarici işlər nazirinin son 16 ildə Türkiyəyə ilk səfəridir.
İsrailin xarici işlər naziri Tzipi Liyuni sonuncu dəfə 2006-cı ildə Ankaraya səfər etmişdi.
Türkiyənin xarici işlər naziri Mövlud Çavuşoğlu İsrail rəsmiləri ilə danışıqlar aparmaq üçün martın 24-ü və 25-də Tel-Əvivdə rəsmi səfərdə olmuşdur.