QafqazTimes xəbər verir ki, İsrail (Knesset) Parlamentinin sədri Mikki Levi bu gün (2 iyun, cümə axşamı) Qüdsdə keçiriləcək homoseksualların yürüşündə iştirak edəcəyini açıqlayıb.
İbrani dilli “Yedioth Ahronoth” qəzetinin yazdığına görə, Levi “gey paradı”nda iştirakını mitinqin təşkilatçılarına qarşı hədələrlə əsaslandırıb. Bu yürüş iyirmi ildir ki, sionistlər tərəfindən işğal olunmuş Qüdsün küçələrində açıq şəkildə keçirilir.
O, həmçinin deyib: “Homoseksuallar digər İsrail vətəndaşları ilə bərabərdirlər və tam bərabərliyə layiqdirlər.”
Levi Qərbi Qüdsdə polis rəisi olarkən Qüdsdə ilk gey yürüşünə açıq şəkildə icazə verib. O vaxtdan bəri bu yürüş hər il sionist rejimin ciddi təhlükəsizlik tədbirləri ilə keçirilir.
Sionist polisi bu yaxınlarda mitinqin təşkilatçılarına və sionist geylərin tərəfdarı olan Əmək Partiyasından olan ravvin Gilad Karibə qarşı təhdid mesajı göndərən şəxsi həbs edib.
Təl-Əviv başda olmaqla, işğal olunmuş Fələstinin digər şəhərlərində homoseksualların mitinqləri və tədbirləri adi hal olub, lakin müsəlmanlar, xristianlar və yəhudilərin xüsusilə hörmətlə yarandığı Qüdsdəki mitinqlər həmişə etirazla qarşılanıb.