Qafqaztimes xəbər verir ki, İngiltərənin “The Guardian” qəzeti şənbə günkü sayında yazıb: “Aparılan araşdırmalara görə, “Yorkşir” bölgəsindəki İngilis casus bazalarından birinin Sərdar Qasım Süleymaninin öldürülməsində əli olması ehtimalı vardır.”
Şimali Yorkşirdə yerləşən Menwith Hill-dəki Kral Hərbi Hava Qüvvələri casus bazası dünyanın ən böyük elektron müşahidə bazalarından biridir.
Son araşdırmaların nəticələrinə əsasən, general Qasım Süleymaninin öldürülməsinin yuxarıda adı çəkilən ingilis məlumat bazasından istifadə etməklə həyata keçirildiyini ehtimal etmək olar. Bu baza Amerika xaricində yerləşən Birləşmiş Ştatların Milli Təhlükəsizlik Agentliyinin mərkəzlərindən biridir.