Ermənilərin evləri yandırmasını əks etdirən yeni görüntülər yayılıb.
Kadrlarda Laçın rayonunun Zabux kəndində qanunsuz məskunlaşan erməni sakinin yaşadığı evə od vurması əks olunub.
O, öz əməlini kəndin Azərbaycanın nəzarətinə qayıtması ilə əsaslandırıb və evin Azərbaycana qalmaması üçün belə etdiyini bildirib.
Qeyd edək ki, Azərbaycan ərazisində məskunlaşmış ermənilərin analoji hərəkətləri artıq adi hal alıb. 44 günlük müharibə ərzində onlar işğaldan azad olunan ərazilərdə çox sayda əmlaka ziyan vurub.