Sionist mediası: Təl-Əviv bu gün Kariş yatağından qaz çıxarmağa başlayacaq

QafqazTimes xəbər verir ki, sionist rejim mediası İsrailin 11-ci “Kan” kanalına istinadən iddia edir ki, Təl-Əviv bu gün (bazar günü, oktyabrın 9-u) “Kariş” qaz yatağının sınaq ixracatına başlayacaq.

“İ24” xəbər saytının xəbərinə görə, bu xəbər Kan telekanalı tərəfindən dünən (şənbə) dərc edilib və iddia edilib ki, sionist rejimin bu addımı Tel-Əvivin razılaşma olmadan da qaz ixracına başlaması anlamına gəlir.

Bu məlumata əsasən, sionist rejimin təhlükəsizlik qurumları “Energian” şirkətindən qaz hasilatı prosesinin yekun sınaqlarının keçirilməsini istəyiblər.

Bəzi İbrani mənbələri həmçinin iddia edir ki, bunu bir ay əvvəl də etmək olardı, lakin maddi-texniki problemlər buna mane olurdu və bu gecikmənin təhlükəsizlik məsələləri və ya Beyrutla razılaşma danışıqları ilə heç bir əlaqəsi yoxdur.

Sionist mediası Livanın “Əl-Əxbar” qəzetinə istinadən xəbər verir ki, Livan parlamentinin sədr müavini İlyas Busab, dəniz mübahisələri ilə bağlı saziş layihəsində Beyrutun təklif etdiyi düzəlişlərə dair Tel-Əvivin şərhlərini amerikalı vasitəçi Amos Hokşteyndən qəbul edib.

Sionist rejimin mediası cümə günü bildirib ki, Livan və bu rejim arasında qaz razılaşmasının əldə olunması uzaq görünür. Bu xəbərlərə əsasən, qaz anlaşması ilə bağlı sionist rejim və Livanın mövqelərində mühüm ayrıntılar mövcuddur.