Səna Oman nümayəndə heyəti ilə atəşkəs danışıqlarını müsbət qiymətləndirib

QafqazTimes xəbər verir ki, bu gün günortadan sonra (bazar günü) Səna danışıqlar qrupunun rəhbəri Məhəmməd Əbdüs Salam omanlı vasitəçi ilə son danışıqlar barədə izahat verib.

“Əl-Məsirə” telekanalının xəbərinə görə, Yəmənin danışıqlar qrupunun rəhbəri deyib: Milli komanda Oman Sultanlığında olan qardaşların səyləri istiqamətində ciddi və müsbət müzakirələr apardıqdan sonra Məsqətə yola düşdü.

Məhəmməd Əbdus Salam əlavə edib: “Yəmən xalqının vəziyyətini sabitləşdirən və hərtərəfli və ədalətli sülhə, təcavüz və mühasirəyə son qoyulması üçün zəmin yaradan humanitar məsələlər ətrafında müzakirələr aparıldı.”

Ötən ay Ənsarullahın sözçüsü atəşkəslə bağlı yeni təkliflər təqdim etmək üçün Omandan bir nümayəndə heyətinin bu ölkəyə gəldiyini açıqlamışdı. Bu heyət Sənanın yüksək vəzifəli şəxsləri, o cümlədən Ali Siyasi Şuranın rəhbəri Mehdi Əl-Məşət ilə məsləhətləşdikdən və Səudiyyə koalisiyasının mövqelərini Yəmən hakimiyyətinə ötürdükdən sonra Sənanı tərk etmişdi.

Qeyd edək ki, Oman nümayəndə heyəti son iki ayda ikinci səfəri çərçivəsində dörd gün əvvəl Yəmənin paytaxtı Sənaya gəlmiş və Yəmən rəsmiləri ilə danışıqlara başlamışdır.

Bununla belə, “Əl-Məyadin” telekanalı bu gün (bazar günü) Sənadakı müxbirinə istinadən xəbər verib ki, Oman nümayəndə heyəti 4 günlük səfərdən sonra Səna danışıqlar heyətinin rəhbəri Məhəmməd Əbdüs Salamla birlikdə nəticəni açıqlamadan Yəməndən ayrılıb.