Türkiyənin Mersin şəhərində hərbçiləri daşıyan avtobus TIR-a çırpılıb.
Qəzadan sonra avtobus yanmağa başlayıb. Hadisə yerinə yanğınsöndürən, polis və tibb qrupları çağırılıb.
Tibb işçiləri 3 nəfərin həyatını itirdiyini müəyyən ediblər. İkisi ağır olmaqla 20 nəfər yaralanıb. Yaralılar Mersin və Adanadakı xəstəxanalara çatdırılıblar. Həlak olanların meyitləri kimliklərinin müəyyənləşdirilməsi üçün morqa aparılıb.
Hadisə ilə əlaqədar Mersin-Niğde istiqamətində uzun tıxac yaranıb.