Xəbər verdiyimiz kimi sosial şəbəkələrdə Səfər Mehdiyevin idarə etdiyi 90-AA-978 dövlət qeydiyyat nişanlı avtomobilin polis tərəfindən saxlanması videosu yayılıb.Maşından düşən sürücü YPX əməkdaşına “Sən nə həyasız adamsan, əə? Görmürsən general-polkovnik Mehdiyevdir?” sözlərini deyib.
Bəs keçmiş sədrin idarə etdiyi bahalı maşın kimin adınadır?
Nömrə “Vadi-4” MMC adlı şirkətin üzərinə qeydiyyatdadır. MMC-nin qanuni təmsilçisi Nəsir Məhərrəm oğlu Cəfərovdur. Bəs bu şəxs kimdir? Dövlət Gömrük Komitəsinin sabiq sədri, gömrük xidməti general-polkovniki Səfər Mehdiyevin həmkəndlisi, Naxçıvanın Babək rayonu Nehrəm kəndindən olan qohumudur.