Letzte Generation ətraf mühit hərəkatının iki fəalı avstriyalı rəssam Qustav Klimtin (1862-1918) Vyanadakı Leopold Muzeyində sərgilənən “Ölüm və həyat” (“Tod və Leben”) tablosunun üzərinə neft töküblər.
Bu barədə hərəkatın “Twitter” səhifəsində dərc olunmuş məlumatda bildirilib.
“Adamlarımız bu gün Leopold Muzeyində Klimtin “Ölüm və həyat” tablosunun üzərinə neft tökdü. Yeni neft və qaz quyuları bəşəriyyət üçün ölüm hökmüdür”, – deyə ekoloji fəallar qeyd ediblər.
Fəallar hadisənin videosunu da paylaşıblar. Videoda onlardan birinin tablonun qoruyucu şüşəsinə kanistrdən neft tökdüyü, digərinin isə özünü kətana yapışdırdığı əks olunub.
Aksiya iştirakçıları muzeyin mühafizəsi tərəfindən saxlanılıb.
1 şərh
Artificial intelligence creates content for the site, no worse than a copywriter, you can also use it to write articles. 100% uniqueness :). Click Here:👉 https://stanford.io/3FXszd0