Moskva: BMT-nin Rusiyaya qarşı məhkəmə yaratmaq səlahiyyəti yoxdur

QafqazTimes xəbər verir ki, Rusiyanın BMT-dəki nümayəndəsinin müavini Dmitri Polyanski bildirib ki, təşkilatın Ukrayna müharibəsi bəhanəsi ilə Moskvanı mühakimə etmək üçün xüsusi məhkəmə yaratmağa hüquqi səlahiyyəti yoxdur.

Şənbə günü axşam saatlarında “Russia today” kanalına müsahibə verən Polyanski BMT Baş Assambleyasının Rusiyaya qarşı xüsusi məhkəmə yaratmaq səlahiyyətinin olmadığını bəyan edib və belə planların hüquqi baxımdan etibarsız olduğunu bildirib.

O, bununla bağlı belə izahat verib: “Baş Assambleyada hər hansı layihənin təqdim edilməsi hüquqi baxımdan tamamilə əhəmiyyətsiz olacaq, çünki Baş Assambleyanın belə səlahiyyətləri yoxdur. Bu ideya Qərbdə geniş yayılmışdır və populist və siyasi məqsədlər üçün sui-istifadə olunur.”

Rusiyalı diplomat bu ideyada heç bir praktiki addım olmadığını bəyan edərək bildirib ki, bu, ciddi insanları güldürməkdən başqa bir şey deyil. Bu, hələ də çox qeyri-müəyyən bir təşəbbüsdür və hüquqidən daha çox siyasidir.”

Bir müddət əvvəl Ukrayna xarici işlər nazirinin müavini Əminə Çaparova bildirmişdi ki, bu il Kiyev BMT Baş Assambleyasına Rusiyaya qarşı xüsusi məhkəmənin yaradılması ilə bağlı qətnamə layihəsini müzakirəyə və baxılmağa təqdim edəcək.

Digər tərəfdən, Rusiyanın Ankaradakı səfiri Aleksey Yerxov Ukraynanın Moskva ilə danışıqları qanuni olaraq qadağan etməyə çalışdığını və bununla Kiyev hakimiyyətinin müharibənin davam etdirilməsini istədiyini bildirib.