Misirli hərbi ekspert: “Hizbullah” PUA-sının uğuru Təl-Əvivin məğlubiyyətini göstərir

QafqazTimes xəbər verir ki, Misirli hərbi ekspert və analitik general-mayor Səmir Raqib cümə günü bildirib ki, İsrailin Hizbullahın pilotsuz təyyarəsini ələ keçirə bilməməsi Təl-Əvivin Dəmir Qübbə sisteminin acizliyini və müqavimət qüvvələrinin artan hərbi gücünü göstərir.

Raqib Russia Today-ə bildirib ki, 40 dəqiqə ərzində 70 kilometrdən çox radius üzərində uça bilən silahsız kəşfiyyat pilotsuz təyyarəsi radarların aşkar etməsini və izlənilməsini çətinləşdirən kiçik bir radar diapazonuna malikdir və bu, o deməkdir ki, onun hədəfə alınması mümkünsüzdür.

Hizbullah cümə günü verdiyi açıqlamada bildirib: “Biz Həssan PUA-nı (şəhid Həssan əl-Laqisin xatirəsinə) işğal altında olan Fələstin səmasının 70 km dərinliyində 40 dəqiqə ərzində uçurduq və ətraflı kəşfiyyat əməliyyatından sonra onu bazamıza geri qaytardıq.”

Hərbi ekspert əlavə edib: “İsrailin “Dəmir Qübbə” sistemi Hizbullahın pilotsuz təyyarələrinin qarşısını almaqda müvəffəq olmadı və buna görə də israillilər PUA-nın qarşısını almaq üçün vertolyotdan istifadə edərək onu hava-hava raketləri ilə vurmağa cəhd etdilər.”

Raqib həmçinin qeyd edib: “Hizbullah pilotsuz təyyarələrinə qarşı bütün cəhdlər uğursuz oldu və çox güman ki, həmin raketlər və Dəmir Qübbədən atılan raketlər sonda yerə dəymiş və bu da öz növbəsində partlayışa və tüstünün qalxmasına səbəb olmuşdur.”