“Twitter”in baş direktoru vəzifəsini ABŞ-ın “BCUniversal” media şirkətinin top meneceri Linda Yakkarino icra edəcək.
Bu barədə “The Wall Street Journal” öz mənbələrinə istinadla xəbər verib.
Məlumata görə, Yakkarino “NBCUniversal”da bütün qlobal, milli və regional reklam satışlarına nəzarət edir, həmçinin tərəfdaşlıq, marketinq, reklam texnologiyaları, strateji təşəbbüslərdən məsuldur.
Qeyd edək ki, bundan əvvəl amerikalı sahibkar və milyarder İlon Mask “Twitter”in baş direktoru vəzifəsini tərk edəcəyini və artıq yeni baş direktoru işə götürdüyünü açıqlayıb.
“O, təxminən altı həftə ərzində öz vəzifələrinin icrasına başlayacaq”, – deyə milyarder elan edib.