QafqazTimes xəbər verir ki, Sionist rejimin keçmiş baş naziri və bu rejim müxalifətinin lideri Yair Lapid öz Twitter səhifəsində Benyamin Netanyahunu sionist rejimin tarixinin ən böyük saxtakarı adlandırıb.
Şahab News-un məlumatına görə, Yair Lapid məhkəmə sistemindəki mübahisəli islahat planı haqqında Benyamin Netanyahu ilə danışmağa hazır olduğunu, lakin onu bu rejimin tarixində ən böyük saxtakarı hesab etməkdə davam etdiyini yazıb.
Tel-Əviv rejiminin keçmiş baş naziri daha sonra yazıb: “Mən prezidenti dialoq mexanizmi yaratmağa dəvət edirəm. Bütün israillilər mənə ədalətli vasitəçi kimi etibar edirlər.”
O, daha sonra yazıb ki, Netanyahu iki ay əvvəl müxalifətin ondan istədiyini indi edib. Lapid bununla Netanyahunun üç gün əvvəl müxalifətin təzyiqi altında qəbul edilən məhkəmə sistemində əsaslı dəyişikliklər planını dayandırmaq qərarını nəzərdə tutub.
Digər tərəfdən, sionist “Yediot Aharonot” qəzeti bu gün yazıb ki, Yair Lapid Netanyahunun Nazirlər Kabinetinin ədliyyə naziri Yario Levinin sağçı fəallara göndərdiyi WhatsApp mesajının təsvirini əldə edib ki, bu mesajda Levin məhkəmə sistemində dəyişikliklər planının qəbul edilməsi üçün bütün səylərini sərf edəcəyinə söz verir. Qeyd edək ki, Yario Levin məhkəmə sistemində əsaslı dəyişikliklərin əsas layihəçisi kimi tanınır.