QafqazTimes xəbər verir ki, Rusiya prezident aparatının sözçüsü Dmitri Peskov Qərb rəsmilərinin Moskva və Kiyevin danışıqlar masasına qayıtmasının vacibliyi ilə bağlı bəyanatlarına cavab olaraq, bu danışıqların baş tutması üçün Ukraynanın siyasi iradəsinin zəruri olduğunu bildirib.
Kremldə keçirdiyi mətbuat konfransında Peskov Ukrayna ilə danışıqların hazırkı vəziyyətdə mümkün olmadığını belə izah edib: “Kiyevin Rusiyanın tələb və şərtləri ilə danışıqlar aparmaq üçün siyasi iradəsi və istəyi olmalıdır.”
“Ryanvosti” xəbər verir ki, o, bildirib: “Əslində, Ukrayna tərəfi bunu qəti şəkildə rədd etdiyi üçün hazırda heç bir danışıqlar mümkün deyil. Beləliklə, xüsusi hərbi əməliyyat davam edəcək.”
Kremlin sözçüsü Rusiya, Qazaxıstan və Özbəkistan arasında üçtərəfli qaz ittifaqı yaratmaq planından da söz açaraq deyib: “Bu regionda tranzit marşrutları münasibdir, lakin bu ideya hələ rəsmi forma almayıb.”
Rusiyanın enerji sahəsində Çinlə danışıqlara hazır olduğunu bildirən Peskov əlavə edib: “Rusiya, Qazaxıstan və Özbəkistan arasında qaz ittifaqının yaradılması ideyası çox vacibdir və üçtərəfli maraqları təmin edəcəkdir.”