Kərbəla valisi Məhərrəmlik mərasimlərini keçirməyə hazır olduqlarını açıqladı

Qafqaztimes xəbər verir ki, Əl-Sabahın verdiyi məlumata görə, Kərbəlada Aşura və Ərbəin mərasimlərində təhlükəsizliyi izləmək üçün 1600 kamera quraşdırılmışdır.

Eyni zamanda, zəvvarların daşınması üçün dövlət və hərbi sektorlar, habelə özəl sərnişindaşıma sektoru tərəfindən onlarla maşın ayrılıb.

Kərbəla valisi Nəsif Casim Əl-Xəttabi deyib: “Kərbəla əyaləti Aşura mərasimini uğurlu keçirməyə tam hazırdır.”

O, həmçinin zəvvarları sağlamlıq qaydalarına riayət etməyə çağırıb.

Digər tərəfdən, Kərbəla Səhiyyə İdarəsi Məhərrəm ayının 10 -da İmam Hüseynin (ə) şəhadətinin ildönümü üçün xüsusi bir səhiyyə layihəsi hazırlanması barədə açıqlama verib.

Kərbəla Səhiyyə İdarəsinin ictimai sağlamlıq monitorinqi bölməsinin müdiri Kərrar Cavad Əl-Abbasi bu barədə deyib: “Koronavirusun yayılması səbəbilə ölkədə mövcud olan müstəsna vəziyyətə görə bu il əvvəlki illərdən fərqli olan keçiriləcək Aşura mərasimi üçün xüsusi layihə nəzərdə tutulmuşdur.”

O, həmçinin qeyd edib ki, 50-dən çox nəzarət qrupu zəvvarlar arasında qida paylanmasına və əyalətin bütün bölgələrində sağlamlıq tədbirlərinə nəzarət edəcək. Bundan əlavə səyyar tibbi xidmət qrupları da əyalətin nəzarət məntəqələrində yerləşdirilib.