Türkiyənin İstanbul şəhərində neçə gündür sıx duman müşahidə olunur.
Səhər saatlarında sıxlığı artan duman səbəbindən sürücülər çətinliklərlə üzləşirlər. Bundan əlavə, dəniz nəqliyyatında bir çox reyslər ləğv edilib.
Bosfor boğazı (İstanbul boğazı və ya Boğaziçi) və ətrafında başlayan duman bütün şəhərdə təsirini davam etdirir.
Çərşənbə axşamı sıx duman səbəbindən hər iki istiqamətdə gəmilərin hərəkəti müvəqqəti olaraq dayandırılıb.