İlham Əliyev: Biz Ermənistanla sülh sazişini bir neçə aya yekunlaşdıra bilərik

QafqazTimes xəbər verir ki, Azərbaycan Respublikasının prezidenti İlham Əliyev şənbə günü Ermənistanla aparılan sülh danışıqlarından danışıb.

O, İtaliya qəzetinə müsahibə verərkən deyib: “Bölgəmizdə vəziyyət sülhə doğru gedir. Mən Brüsseldən İtaliyaya gəlmişəm. Orada Avropa Şurasının rəhbəri və Ermənistanın baş naziri ilə üçtərəfli danışıqlar apardıq və biz razılaşdıq ki, bir ay ərzində Ermənistan və Azərbaycan Respublikasının xarici işlər nazirləri sülh müqaviləsi üçün praktiki danışıqlara başlasınlar.”

Əliyev əlavə edib: “Bu, ikinci Qarabağ müharibəsi başa çatdıqdan sonra bizim təklifimiz idi və biz sülhə ehtiyacımız olduğunu söylədik və Ermənistanın buna razı olması iki il çəkdi.”

Azərbaycan Respublikasının prezidenti əlavə edib: “Düşünürəm ki, bu, ən mühüm nəticələrdən biridir, əlbəttə ki, bu məsələ bu sülh danışıqlarının necə davam edəcəyindən, vaxt cədvəlinin necə olacağından, hansı mövzuların müzakirə olunacağından çox asılıdır.”

O, həmçinin qeyd edib: “Mən düşünürəm ki, bir neçə aydan sonra biz sülh sazişini yekunlaşdırıb imzalaya bilərik. Hesab edirəm ki, Ermənistan tərəfinin də eyni istəyi varsa, bu, ona görə real məsələ hesab olunur ki, biz sülh sazişinin əsas götürülməli olduğu 5 əsas prinsip irəli sürmüşük və Ermənistan da onları qəbul edib”.