QafqazTimes.com İSNA-ya istinadən xəbər verir: Azərbaycan Prezidenti İlham Əliyev Novruz bayramı münasibətilə İnqilab Rəhbəri Ayətullah Xameneiyə təbrik müraciəti ünvanlayıb.
Müraciətdə deyilir:
İran İslam Respublikasının Ali Məqamlı Rəhbəri Ayətullah Seyyid Əli Xameneiyə
Əziz Novruz bayramı münasibətilə şəxsən öz adımdan və Azərbaycan xalqı tərəfindən Cənab Alini və xalqınızı səmimi qəlbdən təbrik edirəm.
Uca bəşəri dəyərlər müjdəçisi olan bahar bayramı insanları yaxşı əməllərə, qarşılıqlı anlaşmaya, dostluq və həmrəyliyə dəvət edir. Əminəm ki, Azərbaycan Respublikası və İran İslam Respublikası arasında dostluq, mehriban qonşuluq və həmkarlıq bundan sonra da qədim Novruz ənənələrini yaşadan xalqlarımızın mənafeləri istiqamətində genişlənəcək və möhkəmlənəcək.
Bu mübarək bayramda Cənab Aliyə yüksək sağlamlıq, işlərdə uğur, dost və qardaş İran xalqına rifah və rövnəqlənmə arzulayıram.
Hörmətlə
İlham Əliyev
Azərbaycan Respublikasının Prezidenti