QafqazTimes xəbər verir ki, Fələstin İslami Müqavimət Hərəkatının (HƏMAS) siyasi bürosunun rəhbəri İsmayıl Həniyyə bazar günü günortadan sonra Livanda keçirilən “Biz yaxın görürük” adlı konfransda çıxış edib.
Həniyyə mərasimdə deyib: “Livan 74-ci ildən bəri Fələstinlə həmdərddir və bu gün biz Məscidül-Əqsanın azadlığını yaxın görürük. Çünki millətimizin və müqavimətimizin müəyyən etdiyi zəfər və dəyişikliklər dövründəyik.”
O, kompromisə gedənlər və Fələstin məsələsinə xəyanət edənlərin Əl-Əqsanın azadlığını uzaq hesab etdiyini bildirərək deyib: “Qəzza qurudan, havadan və dənizdən mühasirədədir, lakin o, Qüds qılıncını İsrailə qarşı çəkərək, müqavimət və onun sakinləri ilə birgə çətin bir döyüşə hazırdır.”
HƏMAS rəsmisi davam edib: “Qüds qılıncı” əməliyyatı sionist düşmənlə qarşıdurmada strateji irəliləyiş idi. Təpədən dırnağa qədər qədər silahlanmış İsrail Əl-Qəssam və Qəzza müqavimətinin raketlərinin hədəfi oldu.
150 raketin 5 dəqiqədən az müddətdə sionist rejimi məhv edəcəyini vurğulayan Həniyyə Qəzzanın bir neçə illik fitnələrdən sonra yenidən ayağa qalxdığını və “Cenin”in də müqavimət bayrağını qaldırdığını qeyd edib.