QafqazTimes xəbər verir ki, BMT-nin baş katibi Antoni Quterreş Səudiyyə koalisiyasının Yəmənə qarşı hücumlarının artması və Sədə həbsxanasında partlayış nəticəsində 70 nəfərin həlak olmasının ardınca deyib: “Yəmən probleminin həllinə lazım olan şey atəşkəs və ciddi danışıqlara başlamazdan əvvəl ölkənin dəniz və hava yollarının yenidən açılmasıdır.”
O, BMT-nin Yəməndə daimi atəşkəsin yaradılması və müharibə və fəlakətli münaqişənin dayandırılması üçün hərtərəfli siyasi prosesin bərpası istiqamətində çalışdığını iddia edib.
BMT-nin baş katibi həmçinin Səudiyyə koalisiyasının son günlər Yəmənin Səna, Əl-Hudeydə və digər bölgələrinə hava hücumlarının davam etməsindən narahatlığını bildirib.
Quterreş bu sözləri BMT Baş Assambleyası üzvlərinin Nyu-Yorkdakı mənzil-qərargahında keçirilən xüsusi iclasında deyib.
Digər tərəfdən, BMT baş katibi Yəməndə atəşkəs yaratmağa çalışdığını iddia etdiyi bir zamanda ABŞ-Səudiyyə koalisiyası Yəmənin şimalını bombalamağa davam edir.
Təcavüzkar koalisiya ötən gecə Sananın müxtəlif bölgələrini ağır şəkildə hədəfə alıb. Səudiyyə-BƏƏ koalisiyası həmçinin cümə günü səhər saatlarında Səda vilayətində (şimal-qərb) bir mərkəzi həbsxananı və bir neçə başqa bölgəni hədəfə alıb. Təkcə mərkəzi həbsxanada 77 nəfər həyatını itirib, 138 nəfər isə yaralanıb.