Heydər Əliyev Beynəlxalq Aeroportunun aerovağzal meydanında “Opel Astra” markalı minik avtomobilində yanğın baş verib.
Bu barədə Heydər Əliyev Beynəlxalq Aeroportunun Mətbuat xidməti məlumat yayıb.
Yanan avtomobil hava limanının qarşısındakı parkinqdə olub.
Ətrafdakılar alovlanan maşına müdaxilə etsələr də, nəqliyyat vasitəsini söndürməyə müvəffəq ola bilməyiblər. Yanğın digər maşınlara da zərər vurub. Belə ki, yaxınlıqda olan “Mercedes-Benz”, “Hyundai” və “Mazda” markalı maşınlar zərər görüb.
AZAL-ın Aviasiya Təhlükəsizliyi Baş İdarəsinin Yanğından Mühafizə Xidmətinin əməkdaşlarının operativ tədbirləri nəticəsində yanğın söndürülüb və onun qonşu avtomobillərə keçməsinin qarşısı alınıb.
Faktla bağlı hüquq-mühafizə orqanları araşdırma aparır.