Yəmən hərbi hava qüvvələri bəyanat yayaraq ABŞ və sionist rejim mövqelərinə geniş və uğurlu hücum əməliyyatlarından xəbər verib.
Qafqaztimesin xarici medialara istinadən verdiyi məlumata əsasən, Yəmən silahlı qüvvələrinin dünən axşamkı (7 may) bəyanatında deyilir: Yəmən 2 pilotsuz təyyarədən istifadə edilən ilk əməliyyatda İsrail rejiminə aid Umm ər-Rəşraş bölgəsindəki Ramon hava limanını hədəfə aldı. İkinci əməliyyatda “Yaffa” pilotsuz uçan aparatı ilə işğal altındakı Yaffa şəhərində həyati strateji mövqe hədəf alındı.
Bəyanatda həmçinin deyilir: Yəmənin raket və pilotsuz təyyarəsi birliyi həmçinin Qırmızı dənizin şimalında Amerikanın təyyarədaşıyan USS Truman və onu müşayiət edən bir neçə döyüş gəmisinə qarşı birgə əməliyyat həyata keçirib. Bu hücum ballistik raket və bir neçə pilotsuz uçan aparatın atılması ilə həyata keçirilib və ABŞ qüvvələrini qorxuya salıb. Belə ki, “Truman” gəmisi bu hücumdan sonra Qırmızı dənizin ən şimal nöqtəsinə çəkilmək məcburiyyətində qalıb.