Ümumdünya Ərzaq Proqramının icraçı direktoru təşkilatın anbarlarından ərzaq yardımının son yük maşını Qəzzaya göndərildiyini və artıq ərzaq ehtiyatının tükəndiyindən xəbər verib.
Qafqaztimesin xarici medialara istinadən verdiyi məlumata əsasən, Sindi Makkeyn dünən (26 aprel) Qəzzadakı humanitar vəziyyəti “faciəvi” adlandıraraq bölgədəki insanların aclıqdan əziyyət çəkdiyini bildirib.
O, həmçinin xəbərdarlıq edib ki, belə davam edərsə, Qəzzada daha çox insan aclıq təhlükəsi ilə üzləşəcək.
Ümumdünya Ərzaq Proqramının icraçı direktoru əlavə edib ki, Qəzzada aclıqdan ciddi narahatlıqlar var, çünki təşkilat bölgəyə daxil ola və bölgə xalqına zəruri yardım göstərə bilmir. Qəzzada təcili atəşkəs elan edilməlidir ki, yardım işçiləri ehtiyacı olan ərazilərə daxil ola bilsinlər.