ABŞ prezidenti Yəməndəki husilərə qarşı hava hücumlarını dərhal dayandıracağını elan edib. Qafqaztimesin xarici medialara istinadən verdiyi məlumata əsasən, Donald Tramp bu gün (6 may) deyib ki, bu qərar İranın dəstəklədiyi qrup Yaxın Şərqdəki əsas gəmi yollarına hücumları dayandırmağa razılaşdıqdan sonra verilib.
Omanın xarici işlər naziri Bədr əl-Busəidi də bu barədə məlumat verərək deyib ki, bu razılaşma Yəmən husilərindən Bab əl-Məndəb boğazından tranzit keçən Amerika gəmilərinə hücum etməkdən çəkinməyi tələb edir
Məlumata görə, əldə edilmiş razılaşmaların bir hissəsi olaraq, tərəflər bir-birinə hər hansı hücumlardan, o cümlədən Qırmızı dənizdə və Bab əl-Məndəb boğazında Amerika gəmilərinə hücumlardan çəkinməyi öhdəsinə götürür ki, bu da naviqasiya azadlığını təmin edəcək və beynəlxalq ticarətə maneələri aradan qaldıracaq.