Ayın əvvəli ABŞ-nin Miqrasiya və Gömrük Mühafizəsi Xidməti (ICE) Los-Ancelesdə cinayət keçmişi olan və sənədsiz yaşayan mühacirlərə qarşı genişmiqyaslı əməliyyata başlayır.
Daha sonra şəhərin mərkəzində yüzlərlə insan ICE əməliyyatlarına qarşı küçələrə çıxır. Etirazçılar “Miqrantlara azadlıq!”, “Deportasiyalara yox!” kimi şüarlarla federal binanın qarşısında toplaşır. Kiçik toqquşmalar qeydə alınır, polis etirazçılara xəbərdarlıq edir.
Donald Trump 2000 nəfərlik Milli Qvardiya birliyini Kaliforniyada federal vəzifəyə çağırır, bu, ştat qubernatorunun razılığı olmadan edilir.
Los-Anceles meri Karen Bass əməliyyatların insan haqları pozuntularına səbəb olduğunu bildirərək federal istintaq tələb edir.ABŞ Konqresində demokrat qanunvericilər ICE və Milli Qvardiyanın fəaliyyətinin araşdırılması üçün xüsusi komitə yaradılmasını təklif edirlər.
Los-Ancelesdə mühacirlərə qarşı keçirilən əməliyyatlar sadəcə hüquqi yox, həm də siyasi və sosial zəmində böyük rezonans doğurub. Federal və ştat rəhbərliyi arasında yaranan gərginlik, cəmiyyətin sərt reaksiyası və hüquq müdafiəçilərinin etirazları bu hadisəni ölkə gündəminin mərkəzinə gətirib.