Yəmənin Ənsarullah hərəkatının siyasi bürosunun üzvü sionistlərin Yəmən torpaqlarına hücumuna ilk reaksiyada bildirib ki, bu təcavüz ABŞ-ın yaşıl işığı ilə həyata keçirilib.
Qafqaz Times -ın məlumatına görə, Ənsarullahın siyasi büro üzvü Məhəmməd əl-Fərəh Yəmən torpaqlarına sionist rejimin hücumuna münasibət bildirərək deyib: İsrail rejiminin Yəmənə hücumu ABŞ və Qərbin yaşıl işığı və dəstəyi ilə həyata keçirilən cinayətkar təcavüzdür.
O əlavə edib: İsrailin Yəmənə hücumu yəmənliləri Qəzzədəki məzlumları müdafiə etməkdəki insani və imanlı mövqelərindən çəkindirmək üçün ümidsiz bir cəhddir.
Ənsarullahın siyasi bürosunun bu üzvü vurğulayıb ki, İsrail düşməninin limanları və elektrik stansiyalarını hədəf alması mülki əhalini zərərsizləşdirmək və limanlara ziyan vurmaq məqsədi daşıyan açıq səylərdir.
Yəmən mediası bu gün səhər saatlarında sionist rejimin Yəmən torpaqlarına hücum etdiyini xəbər verib.
Əl-Məsirə məlumat verib ki, sionist rejim bu təcavüzdə əl-Hudeydə, Rəs-İsa və əs-Salif limanlarını, həmçinin Rəs əl-Kəsibdəki mərkəzi elektrik stansiyasını hədəfə alıb.
Sionist rejimin ordusu Yəmən torpaqlarına hücumu təsdiqləyib
Sionist rejimin ordusu iddia edib ki, bu rejimin qırıcı təyyarələri və dəniz qüvvələri yəmənlilərin həyati infrastrukturunu məhv edib.