Sionist rejimin müdafiə naziri Yisrael Katz dünən, bazar ertəsi keçirilən mətbuat konfransında etiraf edib ki, İsrail hələ də İranın raket qabiliyyətlərindən və bu qabiliyyətlərin gələcəkdə artmasından narahatdır.
Qafqaz Times -ın məlumatına görə, İsrailin Kanal 12 televiziyası bu barədə hazırladığı reportajda bildirib ki, Katz İsrail mediasının hərbi müxbirləri ilə keçirdiyi görüşdə iddia edib ki, İsrail əvvəldən İran rejimini dəyişmək niyyətində olmayıb.
Sionist rejimin müdafiə nazirinin etirafına görə, ABŞ hökuməti İsrailin İrana hücum planından xəbərdar olub və hətta Təl-Əvivdə belə bir narahatlıq yaranıb ki, Donald Tramp administrasiyası bu planı ifşa edərək pozacaq. Katz deyib ki, Tramp, İsrailin bu əməliyyatı təkbaşına həyata keçirmək ehtimalından onu agah etdiklərinə görə təəccüblənib.
Katz əlavə edib ki, İsrail həmişə İranın qəfil hücumla üstünlük qazanacağından narahat olub. Bu səbəbdən, yanacaq doldurma təyyarələrinin təmin edilməsini istəmişik və bu təyyarələr ABŞ tərəfindən bizə təqdim olunub. ABŞ hökuməti həmçinin İsrailə İraq hava məkanında fəaliyyət göstərmək üçün icazə verib və eyni zamanda hava hücumundan müdafiə sahəsində yardım göstərib.
Sionist rejimin müdafiə naziri bu açıqlamaları İran xalqı arasında formalaşan milli birlik və həmrəyliyin İsrailin planlarını uğursuzluğa düçar etdiyi bir şəraitdə verib və iddia edib ki, rejim dəyişikliyi bu müharibənin hədəfləri arasında olmayıb. “Biz sadəcə onları zəiflətmək istəyirdik,” – deyə bildirib.
Yisrael Katz daha sonra müharibənin son günlərində İranın üstünlük əldə etdiyini də etiraf edib və bildirib ki, İsrail bu vəziyyəti əvvəldən proqnozlaşdırmışdı: müharibənin ilk yeddi günü ərzində maksimum gücə çatacağımızı, sonrakı üç gündə bir növ tarazlıq yaranacağını, bundan sonra isə İran qarşısında gücümüzün azalacağını bilirdik. Çünki artıq İranda heç bir nəticə əldə edə bilmirdik, İran hədəflərinə çata bilmirdik və eyni zamanda iranlılar bizim daxili cəbhəmizə (ağrılı) zərbələr endirirdilər.