Sionist rejim daxili təhlükəsizlik şurasının keçmiş başçısı Həmasın hələ məhv olmadığını və Qəzzədə hakimiyyət sürdüyünü qeyd edərək əsir mübadiləsi prosesi üçün seçilmiş metodunun İsrailin məğlubiyyətə uğramasının göstəricisi olduğunu deyib.
Qafqaztimesin xarici medialara istinadən verdiyi məlumata əsasən, Giora Ayland bu gün (11 fevral) deyib: Əsir mübadiləsi prosesində bir daha bizim məğlub olduğumuz meydana çıxdı. İsrail Qəzzə müharibəsində bir çox hədəflərində fiyaskoya uğradı və yeganə uğuru əsirlərin geri qaytarılması oldu.
Həmasın sahib olduğu qüdrət və hökmü məhv etməkdə məğlub olduqlarını vurğulayan Giora Ayland deyib: İsrail hətta Qəzzə ətrafından qaçqın israilliləri belə öz evlərinə qaytara bilmədi. Tam qələbə qarşı tərəfin qeyd-şərtsiz təslim olması deməkdir. İsrail isə buna nail olmadığı üçün Qəzzə müharibəsinin məğlubu bizik.