Sionist rejimin ordusu itkilərinə tətbiq etdiyi ciddi senzura fonunda bu gün – çərşənbə axşamı – Qəzza zolağının şimalında baş verən döyüşlərdə 5 israilli hərbçinin məhv edildiyini, 14 nəfərin isə yaralandığını açıqlayıb.
Qafqaz Times -ın məlumatına görə, sionist rejimin ordusu bu məlumatı ciddi şəkildə senzura altında açıqlayıb.
Sionist rejimin mediası bildirib ki, əslində həlak olan və yaralananların sayı ordunun rəsmən elan etdiyindən daha çoxdur.
Mediada yer alan xəbərlərə görə, yaralıların sayı ordunun sözçüsünün açıqladığı rəqəmləri xeyli üstələyir. Hesabatlarda qeyd olunur ki, ordu bəzi hallarda yaralıların sayını ümumiyyətlə açıqlamır.
Sionist rejimin ordu sözçüsü əvvəlcə 5 hərbçinin, o cümlədən 2 zabitin həlak olduğunu və yalnız 2 nəfərin yaralandığını bildirib. Lakin mediada yayılan ifşalardan sonra bu rəqəm yenilənərək 14 yaralı şəklində düzəldilib.
Sionist rejimin ordu radiosu daha əvvəl öldürülənlərin sayını ciddi senzura altında açıqlayaraq, müharibənin başladığı vaxtdan bəri 866 israilli hərbçinin məhv edildiyini bildirmişdi ki, onlardan 426 nəfəri Qəzza zolağına qarşı başlanmış quru əməliyyatlarından sonra həlak olub.