Qəzzə Səhiyyə Nazirliyi filialının baş direktoru ötən 36 saat ərzində sionist rejim hücumlarında 250 fələstinlinin şəhid olmasından xəbər verib.
Qafqaztimesin xarici medialara istinadən verdiyi məlumata əsasən, Fələstin Səhiyyə Nazirliyi bu gün (16 may) bəyanat yayaraq bu hücumlarda daha 150 nəfərin yaralandığını elan edərək deyib: İşğalçı sionist rejim qadağan olunmuş modern silahlarla Fələstin xalqını hədəfə alır, aclıq, qıtlıq və məhrumetmə silahları ilə soyqırımı siyasətini davam etdirir.
Xatırladaq ki, İsrailin Qəzzada həyata keçirdiyi son hava zərbələrində 250-dən çox fələstinli həlak olub. ABŞ-ın yüksək rütbəli diplomatı Marko Rubio isə bölgədəki humanitar vəziyyətin “narahatedici” olduğunu etiraf edib. Bu bəyanat Vaşinqton-Təl-Əviv münasibətlərində yumşaq da olsa çat yarandığını göstərir.