Pakistanın müdafiə naziri Xavadja Asif sionist rejimin İrana qarşı hücumları barədə “Əl-Cəzirə”yə verdiyi açıqlamada İranı tam şəkildə müdafiə etdiyini bildirib:
“İsrailin Fələstin xalqına qarşı təcavüzü genişlənib və indi Yəmənlə yanaşı İranı da əhatə edir. İsrailin Fələstinə və İrana qarşı təcavüzü hərbi cinayətdir.
İran bizə hərbi yardım üçün müraciət etməyib. Biz vəziyyəti izləyirik və əgər gərginlik artarsa, mütləq cavab verəcəyik. Lakin hazırda vəziyyətin şiddətlənməsi müşahidə olunmur.
İslam ölkələri İsrail təhlükəsinə qarşı birgə mübarizə aparmalıdır. İsrail nüvə qabiliyyətinə malikdir, lakin heç bir beynəlxalq sazişi imzalamayıb. İsrailin, beynəlxalq nəzarət altında olan İranın nüvə obyektlərini hədəf almağa haqqı yoxdur. İranın nüvə proqramına sahib olmaq haqqı var və bu qarşıdurmada zərərçəkmiş tərəfdir.
Bizim İsraillə heç bir əlaqəmiz yoxdur. İslam dünyası İsraillə münasibətlərini yenidən nəzərdən keçirməlidir, çünki bu rejim region üçün təhlükədir. Biz İrandakı qardaşlarımızın yanındayıq və beynəlxalq platformalarda onları müdafiə etməyə hazırıq.”