Bir ivritdilli media orqanı ifşa edib ki, sionist rejimdə pərdəarxası müzakirə və danışıqlar əsasında hazırlanmış təklifə görə, böyük ehtimalla Benyamin Netanyahu Trampın tələbi ilə əfv olunacaq və bunun müqabilində siyasi səhnədən çəkiləcək.
Qafqaz Times -in məlumatına görə, Haaretz qəzeti bu barədə dərc etdiyi reportajda yazıb ki, (sionist rejimin) prezidenti İsxak Hersoq Netanyahunu əfv etməyə razı olmayıb, çünki bunun üçün ən yaxşı yol baş nazir ilə prokurorluq arasında razılaşma əldə edərək onun (rüsvayçı) məhkəmə prosesinə son qoymaqdır.
Haaretzin yazdığına görə, Hersoqun baxış bucağından, hazırda ən yaxşı həll prokurorluqla razılaşmaya gəlməkdir ki, bu razılaşma çərçivəsində rüşvət alma, dələduzluq və etimadı pozma kimi cinayət ittihamları ilə bağlı ona qarşı təqib dayandırılsın və bununla da hazırda davam edən cinayət məhkəməsi yekunlaşsın.
Hesabatın bir hissəsində bildirilir ki, hazırda bu məsələ ilə bağlı danışıqlar və məsləhətləşmələr davam edir, prokurorluq da şərtli razılığını bildirib və təklif edib ki, İsrailin baş naziri rəsmi olaraq etimadı pozma və dələduzluq kimi cinayətləri etiraf etsin və məhkəmədə dörd ay həbs (minimum cəza) hökmü alsın, lakin bu cəza ictimai işlərlə əvəz olunsun, şərt isə ondan ibarətdir ki, o, siyasi fəaliyyətlərdən daimi olaraq çəkilsin.
Çünki İsrail qanunlarına və Knessetin daxili nizamnaməsinə görə, Netanyahu məhkəmədə məhkum edildikdən sonra artıq növbəti seçkilərdə namizəd ola bilməyəcək və qarşıdakı 7 il ərzində baş nazirlik etmək hüququ olmayacaq.
Sionist hüquqşünaslardan biri də bu məsələni təsdiqləyərək deyib ki, Netanyahunun əfv olunmasının (baş nazirin həbsdən yayınmasının) yeganə yolu məhz budur, lakin bu mövzuda danışıqlar davam edir.