İsrailin Baş naziri Benyamin Netanyahu, yayımladığı rəsmi açıqlamada İran xalqına səslənib və “Operation Rising Lion” adlandırılan hücumun məqsədini belə izah edib:
“Təxminən 50 ildir sizi əzən İslam rejimi ölkəmiz – İsrail Dövlətini – məhv etməklə hədələyir. Bizim hərbi əməliyyatımızın məqsədi bu rejimin nüvə və ballistik raket təhdidini aradan qaldırmaqdır. Bu hədəfə çatdıqca, sizin azadlığınıza gedən yolu da açırıq.”
Netanyahu əlavə edib ki, son 24 saat ərzində İsrail:
- İranın yüksək rütbəli hərbi komandirlərini,
- nüvə alimlərini,
- əsas zənginləşdirmə mərkəzini və
- ballistik raket arsenalının böyük hissəsini hədəf alaraq zərərsizləşdirib.
Baş nazir sözlərini belə tamamlayıb:
“Rejim heç nə baş verdiyini anlamır və qarşıda nə gələcəyini də bilməyəcək. İndi sizin ayağa qalxma və səsinizi ucaldaraq azadlıq tələb etmə vaxtınızdır.
Qadın, Həyat, Azadlıq – Zan, Zendegi, Azadi”
Bu açıqlama bölgədəki gərginliyin həm hərbi, həm də ideoloji səviyyədə daha da dərinləşdiyini göstərir.