İsrail hərbi kəşfiyyat idarəsinin keçmiş rəhbəri rejimin Qəzza zolağında davam edən müharibəyə münasibət bildirərək bu müharibənin heç bir problemi həll etmədiyini və öz-özlərini aldatdıqlarını deyib.
Qafqaztimesin xarici medialara istinadən verdiyi məlumata əsasən, Tamir Heyman bu gün (1 may) deyib: Təl-Əviv Qəzza müharibəsi üçün ağır bədəl ödəyib və müharibənin İsrailin bütün təhlükəsizlik problemlərini həll edə biləcəyi ilə bağlı özümüzü aldadırıq.
Tamir Heyman əlavə edib: Müharibə bitməyib və biz özümüzdən soruşmalıyıq ki, nə üçün ölü sayı artır və tam qələbə əldə olunmayıb. Əsl qələbə atəşkəsin ilk gününü müqayisə etməklə deyil, daha çox illər ərzində təhlükəsizliyin yaxşılaşdırılması ilə əldə edilir. İsraillilər müharibənin İsrailin üzləşdiyi bütün çətinlikləri aradan qaldıra biləcəyini düşünərək aldanmamalıdırlar. Mütləq təhlükəsizlik və ya sülh deyilən bir şey yoxdur. İsrail Qəzza müharibəsi səbəbindən kritik bir mərhələdədir.