Sionist rejimin ordusu Qəzzada getdikcə daha çox itki verdiyi bir şəraitdə, bu dəfə də Qəzza zolağındakı döyüşlərdə iki hərbçisinin həlak olduğunu etiraf etdi.
Qafqaz Times-ın məlumatına görə, sionist rejimin ordusu dünən (27 iyul), bazar günü, real itkilərini ciddi şəkildə senzura etməyə davam etdiyi bir vaxtda bildirib ki, bu rejimin iki hərbçisi Qəzza zolağının cənubunda həlak olub.
Bu rejimin ordusunun açıqlamasında bildirilir ki, dünən Qəzza zolağının cənubunda baş vermiş partlayış nəticəsində “Qolani” briqadasından bir zabit və bir əsgər həlak olub.
Qolani briqadası sionist rejim ordusunun ən seçmə hərbi birləşmələrindən biridir və dəfələrlə Fələstin müqaviməti tərəfindən Qəzza zolağının müxtəlif bölgələrində ağır itkilər verib və ciddi zərbələr alıb.
Sionist rejimin media orqanları isə bu rejimin ordusunun itkilərinə dair senzuranı davam etdirərək, dünən Qəzza zolağının cənubunda baş verən hadisəyə dair “çətin təhlükəsizlik insidenti” ifadəsindən istifadə edib, lakin hadisənin detalları barədə məlumat verməyiblər.
Sionist rejimin Qəzzaya təcavüzünün üzərindən 661 gün keçir. İsrail ordusu Fələstin müqaviməti qarşısında yaşadığı hərbi və kəşfiyyat uğursuzluğundan sonra Qəzzaya qarşı müharibəyə başladı və iddia etdi ki, əsirlərini diri-diri evə qaytaracaq və Fələstin müqavimətini məhv edəcək. Lakin bu iddialar bu günədək reallaşmayıb, bəzi əsirlər İsrailin öz hücumları nəticəsində həlak olub və Fələstin müqaviməti hələ də ayaqdadır.