İran XİN sözçüsü PKK terror təşkilatının ləğv və tərksilah qərarı barədə verilmiş qərarı alqışladığını elan edib.
Qafqaztimesin xarici medialara istinadən verdiyi məlumata əsasən, İsmail Bəqai bu gün (13 may) PKK-nın tərksilah və ləğv qərarını alqışladıqlarını və bu qərarı zorakılığın rədd edilməsi və təhlükəsizliyin gücləndirilməsi istiqamətində mühüm addım kimi qiymətləndirdiklərini bildirirərək deyib: Bu prosesin tamamlanmasıyla Türkiyə və bölgədə sabitlik və sülhün daha da artacağına ümid edirik.
Xatırladaq ki, bazar ertəsi günü xəbər mənbələri Türkiyə Kürdüstan Fəhlə Partiyası (PKK) kimi tanınan silahlı qruplaşmanın ləğv edildiyini bildiriblər. Bu barədə “Əl-Cəzirə” telekanalı PKK-ya istinadən məlumat yayıb: “Partiyanın buraxıldığını, silahların yerə qoyulduğunu və Türkiyə ilə silahlı qarşıdurmanın dayandırıldığını elan edirik.”
Bununla bağlı İraqın rəsmi Xəbər Agentliyi (VAA) da PKK rəhbərliyinin partiyanı ləğv etmək, silahlı qarşıdurmalara son qoymaq və tərksilah etmək barədə rəsmi qərar qəbul etdiyini bildirib.