İran XİN sözçüsü işğalçı rejimin Cibaliyyə və Xan Yunisdə fələstinli qaçqın düşərgələrinin bombardman edilməsini kəskin şəkildə qınadığını elan edib.
Qafqaztimesin xarici medialara istinadən verdiyi məlumata əsasən, İsmail Bəqai bu gün (13 may) onlarla günahsız fələstinli, bir neçə körpənin şəhid olması və yaralanması ilə nəticələnən sionist rejim işğalçılarının Cibaliyyə və Xan Yunus düşərgələrinə hücumların beynəlxalq təşkilatlar tərəfindən qarşısının alınmasını vurğulayaraq deyib: Sionist rejim və onun məmurlarına qarşı Beynəlxalq Ədalət Məhkəməsi və Beynəlxalq Cinayət Məhkəməsi qarşısında mühakimə olunması sürətləndirilməli, dərhal bu cinayətlərin qarşısı alınmalıdır.
İran XİN sözçüsü məzlum Fələstin xalqı ilə həmrəylik ifadə edərək, beynəlxalq ictimaiyyət və region ölkələrindən sionist rejimin cinayətkar hücumlarını dərhal dayandırmaq, Qəzzə zolağına qida və dərman preparatlarının çatdırılması, bu rejimin cinayətkar məmurlarının cəzalandırılması, işğalçıların tamamilə geri çəkilməsi üçün təsirli addım atmağa çağırıb.