Husi hərəkatının lideri Əbdülməlik əl-Husi bildirib ki, “qaydaları pozan şirkətlərə məxsus iki gəminin batırılması ilə nəticələnən dəniz əməliyyatları, Qəzza zolağına qarşı təcavüz və mühasirə davam etdiyi müddətcə, düşmən İsrailə qarşı naviqasiya qadağasının qətiyyətlə qüvvədə qalacağını bir daha sübut edir”. O vurğulayıb ki, “Qırmızı dənizdə baş verənlər, düşmən İsrailin xeyrinə daşınma aparan bütün dəniz nəqliyyatı şirkətləri üçün açıq dərsdir və bu şirkətlərlə sərt şəkildə davranılacaq. Elan olunmuş əməliyyat zonasından istifadə etməklə düşmən İsrailin mallarını daşıyan heç bir şirkətə icazə verilməyəcək”.
“Ənsarullah” hərəkatının lideri Seyid Əbdülməlik əl-Husi, işğalçı İsrail rejiminə qarşı Qırmızı və Ərəb dənizlərində naviqasiya qadağasının bütün mərhələlərdə davamlı bir qərar olduğunu təsdiqləyib. Əl-Husi 10 iyul, cümə axşamı televiziyada etdiyi çıxışda bildirib ki, bu qərar heç vaxt dayandırılmayıb. O qeyd edib ki, yeni vəziyyət bəzi şirkətlərin bu qərarı pozması ilə bağlıdır.
Əl-Husi əlavə edib ki, “bəzi dəniz nəqliyyatı şirkətləri embarqoya məhəl qoymadan, yasağı pozaraq Um ər-Rəşraş (Eylat) limanına yüklər daşımağa başlayıblar və belə güman edirlər ki, bu məsələyə göz yumulacaq”. O, vurğulayıb ki, “Um ər-Rəşraş limanının fəaliyyətinin bərpasına icazə verilə bilməz və Yəmənin mövqeyi qəti və sərtdir”. O əlavə edib ki, “Qırmızı dəniz, Ədən körfəzi və Ərəb dənizində düşmən İsrailə qarşı naviqasiya yasağı qərarı qəti, sabit və davamlıdır və bu, Qəzzaya qarşı təcavüz və mühasirə davam etdiyi müddətcə qüvvədə qalacaq”.
Əl-Husi bildirib ki, “qaydaları pozan şirkətlərin iki gəmisinin batırılması ilə nəticələnən dəniz əməliyyatları, Qəzzaya qarşı təcavüz və mühasirə davam etdikcə, naviqasiya yasağının qətiyyətlə davam edəcəyini göstərir”. O vurğulayıb ki, “Qırmızı dənizdə baş verənlər, düşmən İsrailə xidmət edən bütün dəniz nəqliyyatı şirkətləri üçün açıq dərsdir və bu şirkətlərlə sərt şəkildə davranılacaq. Əməliyyat zonasında İsrail mallarını daşıyan heç bir şirkətə güzəşt olmayacaq”.
Əl-Husi izah edib ki, bu həftə həyata keçirilən hərbi əməliyyatlar 45 vasitədən – hipersəs və ballistik raketlər, pilotsuz uçuş aparatları və döyüş qayıqlarından – istifadə olunmaqla yerinə yetirilib. Bu əməliyyatlar işğal altındakı Fələstinin dərinliklərinə – Yafa, Aşdod, Aşkelon və Um ər-Rəşraşa yönəlib. Buraya cümə axşamı səhər tezdən həyata keçirilmiş əməliyyat və dəniz əməliyyatları da daxildir.
O əlavə edib ki, “bu dəniz əməliyyatları Yəmən qüvvələri tərəfindən, donanma, raket və pilotsuz aviasiya bölmələrinin birgə iştirakı ilə icra olunub və nəticədə iki gəmi batırılıb”. Əl-Husi cümə axşamı səhər reallaşdırılan əməliyyatı alqışlayıb və bunun Lod hava limanında reyslərin müvəqqəti dayandırılmasına, milyonlarla sionist sakinin qorxu içində sığınacaqlara qaçmasına səbəb olduğunu bildirib.
Əl-Husi deyib ki, “bu həftənin əməliyyatları sırasında, İsrail təcavüzünə qarşı hava hücumundan müdafiə və raket qüvvələrinin əməliyyatları da var”. O əlavə edib ki, “bu qarşıdurma əməliyyatları, İsrailin hava məkanına daxil olmasının və təcavüzkar hədəflərini həyata keçirməsinin qarşısını almaqda müvəffəqiyyətli olub”. O qeyd edib ki, “Hudeydə limanlarına yönəlik İsrail hava hücumları Yəmənin hava məkanından kənardan həyata keçirilib”.
Əl-Husi əlavə edib: “Düşmən İsrailin təcavüzü və onun ABŞ, Qərb dəstəyi, eləcə də aparılan təbliğat kampaniyaları, bizim Qəzzanı dəstəkləmək və Fələstin xalqına yardım etmək mövqeyimizə təsir etmir”. O, vurğulayıb ki, “Qəzzanı dəstəkləmək dini, prinsipial, insani və əxlaqi bir mövqedir” və “bəhs olunan ‘vəd olunmuş fəth’ və ‘müqəddəs cihad’ mübarizəsində dəstək əməliyyatları artan tempdə davam edəcək”.
Əl-Husi bəyan edib ki, “Düşmən İsrailə qarşı hərbi və digər sahələrdə ortaya qoyulan mövqe, düşmənin üzərində açıq təsir göstərməkdədir”. O xəbərdarlıq edib ki, “düşmənlərə sədaqət yolu son dərəcə təhlükəlidir və bu yola üz tutan ümmət övladları uçuruma və məğlubiyyətə sürüklənir”. O əlavə edib ki, “xüsusilə bu hadisələri canlı yaşadığımız bir zamanda laqeydlik, məsuliyyətdən yayınmaq və geri çəkilmək böyük bir günahın yükünü daşımaq deməkdir və bu, son dərəcə təhlükəli bir haldır”.