Yayılan bəyanatda HƏMAS bəyan edib ki, biz İslami Müqavimət Hərəkatı (HƏMAS) olaraq Amerika prezidenti Trampın Qəzza zolağının Amerika Birləşmiş Ştatları tərəfindən işğalı və Fələstin xalqının oradan didərgin salınması ilə bağlı bəyanatlarını şiddətlə qınayırıq və rədd edirik.
Biz təsdiq edirik ki, bu bəyanatlar xalqımıza qarşı düşmənçilik xarakteri daşıyır və regionda sabitliyə heç bir töhfə vermir və yalnız atəşi daha da alovlandırır.
Biz Fələstin xalqı dünyanın heç bir ölkəsinin torpaqlarımızı işğal etməsinə, torpaqlarını işğaldan azad etmək və paytaxtı Qüds olmaqla Fələstin dövlətini qurmaq üçün qanlar axıdan böyük Fələstin xalqına rəhbərlik etməsinə icazə verməyəcəyik.
Biz ABŞ hökumətini və Prezident Trampı beynəlxalq hüquqa və Fələstin xalqının öz torpaqlarında təbii hüquqlarına zidd olan bu məsuliyyətsiz bəyanatlarını geri götürməyə çağırırıq.
İslami Müqavimət həmçinin Ərəb Liqası, İslam Əməkdaşlıq Təşkilatı və Birləşmiş Millətlər Təşkilatından bu təhlükəli bəyanatlara nəzər salmasını və Fələstin xalqının milli hüquqlarını, öz müqəddəratını təyinetmə hüququnu qoruyan qəti və tarixi mövqe tutmasını və paytaxtı Qüds olan Fələstin dövlətinin yaradılmasını təmin etmək üçün təcili iclas keçirməsini xahiş edib.
Qafqaztimes