Hacılar fələstinli əsirlərin məktubuna cavab verdilər + Video

QafqazTimes xəbər verir ki, 20 ildən artıq əsirlikdə olan bir sıra köhnə fələstinli əsirlərin, eləcə də digər məhbuslar Allah Evinin zəvvarlarına göndərdikləri məktubda onlardan azadlığa çıxmaları üçün dua etməyi xahiş ediblər.

Sionist əsarətindən azad olmuş fələstinli İsmət Mənsur Əl-Aləmə müsahibəsində deyib: “Bu məktub təsirli və qəlbdən gələn bir məktubdur. Bu əsirlər zaman-zaman, xüsusən də bu böyük islami ayin (Həcc ziyarəti) zamanı çəkdikləri əziyyətləri digərlərinə xatırlatmağa fürsət tapırlar. Xüsusən də bu dəfə bu müraciət zəvvarlara ünvanlandığı üçün mən inanıram ki, bu məktub hər bir müsəlmanın ruhuna və ürəyinin dərinliklərinə nüfuz edəcək.”

Təbiidir ki, Allah qarşısında əllərin qaldırıldığı, gözlərin yaşla dolu olduğu Məkkədə Fələstinin xatirəsi zəvvarların yadından çıxmaz.

İranlı zəvvarlardan biri Məkkədə Əl-Aləm müxbirinə bildirib: “Biz Məkkədə və Allah evinin yanında sionist rejim zindanlarında əsirlikdə olan fələstinli bacı və qardaşları unutmur, onların qələbə və azadlığı üçün dua edirik.”