Həmas Hərəkatı İranın Şəhid Rəcai limanında baş verən hadisəni də salmatçılıqla arxada qoyacağını vurğulayıb.
Qafqaztimesin xarici medialara istinadən verdiyi məlumata əsasən, Həmas dünən axşam (26 aprel) bəyanat yayaraq İrana başsağlığı verib.
Bəyanatda deyilir: İran İslam Respublikası bu faciəli hadisəni də başucalığı ilə arxada qoyacaq və öz quruculuq inkişafına davam edəcək.
Bu zəmində İraqın xarici işlər nazirliyi də Bəndər Abbasda Şəhid Rəcai limanında baş vermiş yanğına görə İran hakimiyyətinə təsəlli verərək elan edib: Bu faciəli hadisədə həlak olanların ailələrinə dərin hüznlə başsağlığı verir, yaralananların tezliklə sağalmasını arzulayırıq. İraq diplomatik xidməti, həmçinin gözlənilməz çağırışlarla mübarizə aparmaq üçün regional və beynəlxalq əməkdaşlıq əlaqələrinin gücləndirilməsinin vacibliyini vurğulayaraq ölkənin bu fəlakətin nəticələrini yumşaltmaq üçün hər cür dəstəyi verməyə hazır olduğunu qeyd edib. Bununla əlaqədar olaraq İraqın baş naziri Məhəmməd Şiə əl-Sudani daxili işlər nazirinə insidentin nəticələrini izləmək üçün iranlı həmkarı ilə əlaqə saxlamağı tapşırıb. İraqın baş nazirinin dəftərxanasından verilən açıqlamaya görə, Əl-Sudani İraqdan mümkün olan hər cür yardımın dərhal təmin edilməsi barədə göstəriş verib.