Həmas bəyanat yayaraq sionist rejimin jurnalistlərin qətlinin Qəzzə hadislərinin yayılmaması və müharibə cinayətlərini gizlətmək məqsədli olduğunu deyib.
Qafqaztimesin xarici medialara istinadən verdiyi məlumata əsasən, Həmas bu gün (5 iyun) yayımladığı bəyanatda işğalçı rejimin Məmədani xəstəxanasının həyətində bir neçə jurnalistə hava hücumunu həqiqətin səsinin ucalmamasına maneəçilik kimi dəyərləndirib.
Həmas bu bəyanatda deyib: Jurnalistlərin qətli beynəlxalq qanunlara zidd bir hərəkətdir və 3 fələstinli jurnalistin aviahücuma məruz qalması və onların şəhid olub yaralanması müharibə cinayətlərinin dünyaya yayılmaması məqsədilə baş tutub.
Bəyanatda həmçinin deyilir: Bu cinayət əslində eyni zamanda 2 cinayətdən ibarətdir. Birincisi, müharibə cinayətləri və soyqırım. İkincisi isə müharibə cinayətini dünyaya car çəkə bilən səslərin şəhid edilməsidir.
Bəyanatın başqa bir hissəsində Həmas atəşkəs qətnaməsinin qəbulunun qarşısını almaq üçün Təhlükəsizlik Şurasında veto hüququndan istifadə etdiyi üçün ABŞ-ı davam edən cinayətlərdə birbaşa tərəfdaş hesab edib və dünənki vetonun işğal rejiminin Qəzzada qırğın və dağıntıları davam etdirməsi üçün yeni yaşıl işıq olduğunu və bunun üçün birbaşa siyasi və mənəvi məsuliyyətin Amerika hökumətinin üzərinə düşdüyünü açıqlayıb.