Agah mənbələr Qəzzədə yeni atəşkəs razılaşması barədə yeni detallardan xəbər verirlər.
Qafqaztimesin bu gün (24 aprel) xarici medialara istinadən verdiyi məlumata əsasən, bu həftənin sonuna qədər bu yeni razılaşmanın balanslaşdırılmış detalları barədə məlumatlar veriləcək.
Məlumata görə, bu yeni təklif Misir tərəfindən Qətər və ABŞ hökuməti ilə məsləhətləşmə və koordinasiya əsasında hazırlanıb. Yeni təklif Qəzza müharibəsinə son qoymaq və regional və beynəlxalq tərəflərin qarşılıqlı öhdəlikləri yerinə yetirmək üçün təminat alması ilə uzunmüddətli, bəlkə də 5-7 il müddətində atəşkəs yaratmaq üçün “hərtərəfli razılığa” nail olmaq məqsədi daşıyır.
Fələstinli mənbə bildirib ki, yeni təklif Həmasın hərtərəfli razılaşma və birdəfəlik məhbus mübadiləsi tələblərinə cavabdır. Bu razılaşma dərhal və tam atəşkəs, İsrail qüvvələrinin Qəzza zolağından tamamilə çıxarılması, Qəzza zolağının bərpası prosesinin başlaması, blokadanın götürülməsi və humanitar yardımların daxil olması şərti ilə baş tuta bilər.