Həmasın yüksək rütbəli rəsmisi Qəzzədə 2 aylıq atəşkəs qarşılığında 9 sionist əsirin azad edilməsi barədə şayiələrin əsassız olduğunu deyib.
Qafqaztimesin xarici medialara istinadən verdiyi məlumata əsasən, Sami Əbu Zəhri bu gün (19 may) son günlərdə iddia olunan şayiələri təkzib edərək deyib: Biz sionist əsirləri azad etməyə hazırıq. Amma bunun qarşılığında 2 aylıq atəşkəs üçün beynəlxalq təzminatın olması da lazımdır.
Həmas siyasi bürosunun sədri Sami Əbu Zəhri əlavə edib: İşğalçı rejim saxta xəbərlərlə müqavimətə təzyiq göstərmək və Qəzzədə soyqırımı davam etdirmək üçün vəziyyəti gərginləşdirmək istəyir. Həmasın 9 sionist əsir qarşılığında 2 aylıq atəşkəs razılaşması xəbəri yalandır.
Əbu Zəhri əlavə edib: Biz amerikan-israil vətəndaşı olan Aidan Aleksandrın azadlığı üçün yeni fəndlərdən istifadə etdik ki, atəşkəs üçün münasib bir şərait yaradaq. Amma ABŞ dövləti sadəcə bir təşəkkür belə etmədi.