QafqazTimes xəbər verir ki, Fələstin İslami Cihad hərəkatının hərbi qanadı olan Saraya əl-Qüdsün sözçüsü Əbu Həmzə Ümumdünya Qüds Günü barədə danışarkən deyib: “Biz İmam Xomeyninin Qüdsün azadlığının başlanğıcı kimi elan etdiyi Beynəlxalq Qüds Gününün təzahür etdiyi bir zamanda yaşayırıq.”
Əl-Məyadin saytının məlumatına görə, o, əlavə edib: “Bu ilki Qüds gününün ən mühüm xüsusiyyəti düşmən düşərgəsinin tam bəlli olmasıdır.”
Əbu Həmzə əlavə edib: “Beytül-Müqəddəs müqaviməti düşmənə dərs verəcək müdafiə və hücum imkanlarına malikdir. Biz sabit mövqeyimizi bir daha vurğulayırıq ki, Məscidül-Əqsaya edilən hər hansı təhqir düşmənlə müharibənin başlanğıcı deməkdir.”
O, bəzi ərəb ölkələrinin sionist rejimlə normallaşma sazişinə toxunaraq deyib: “Buna baxmayaraq, güc Fələstin yolundan dönməyən xalqlarda və millətlərdədir.”
O, sözünün davamında deyib: “Bu gün biz Hərbi Hava Qüvvələrində istifadə olunan Cenin dronunu təqdim edirik və mücahidlərimiz onu təkmilləşdirməyə davam edir. Biz bütün Fələstin azadlığa qovuşan günə qədər sözümüzün üstündə duracağıq.”
Saraya əl-Qüds sionist hərbi maşınına qarşı Cenin dronu vasitəsilə həyata keçirilən əməliyyatın görüntülərini də nümayiş etdirib. Bu hücum 2019-cu il sentyabrın 7-də baş verib.
Bundan əvvəl bildirilmişdi ki, bu axşam İslami Cihadın hərbi qolunun sözçüsü Qüds günü münasibəti ilə çıxış edəcək və mühüm mövzunu açıqlayacaqdır.