İran XİN başçısı ABŞ prezidentinin Fars körfəzinin adının dəyişdirilməsi qərarı ilə bağlı bəzi KİV-lərin iddialarına işarə edərək bu cəfəngiyyatların İran xalqının hiddətlərinə səbəb olacağını vurğulayıb.
Qafqaztimesin xarici medialara istinadən verdiyi məlumata əsasən, Seyin Abbas Əraqçi bu gün (7 may) deyib Donald Trampın Fars körfəzini Ərəb körfəzi adlandırmaq planları Tehrana qarşı siyasi motivli və düşməncəsinə bir addımdır.İstənilən düşünülməmiş addım qanuni olmayacaq və coğrafiyaya təsir göstərməyəcək. Əslində bu, yalnız İranda deyil, bütün dünyada yaşayan iranlıların, əhalinin bütün təbəqələrinin və müxtəlif siyasi əqidə sahiblərinin ciddi narazılığına səbəb olacaq.
Əraqçi vurğulayıb: Mən ABŞ prezidentinin Fars Körfəzinin qədim tarixi barədə məlumatlı olduğuna əminəm. Hətta bu adı beynəlxalq təşkilatlar belə rəsmi surətdə qəbul edirlər. 1960-cı illərin sonlarına qədər region ölkələri rəsmi yazışmalarda Fars Körfəzi adından istifadə edib.
Xatırladaq ki, D.Trampın gələn həftə Səudiyyə Ərəbistanına səfəri zamanı ABŞ-nin Fars körfəzini Ərəb körfəzi adlandıracağını barədə xəbərlər yayımlanıb.